பொதுவாக முத்திரை எதற்கு பயன்படுகிறது ?

​

சட்ட ஆவணத்தை செயல்படுத்த அல்லது ஆவணத்தின் நம்பகத்தன்மைக்கு உத்தரவாதம் அளிக்க முத்திரை பயன்படுத்தப்படுகிறது. 

​

முத்திரையில் என்ன இருக்கும்?

​

முத்திரையில் இருக்கு மூன்று மிக முக்கிய காரியங்கள் 
- ஆளுகிறவரின் பெயர் 
- ஆளுகிறவரின் பதவி 
- ஆளுகை செய்யும் தேசம் 

​

எந்த காரியங்களுக்கு முத்திரை பயன் படுகிறது?

​

ஒரு சட்டத்தை இயற்றும் போது, அதில் சட்டத்தை ஏற்றுபவரின் முத்திரை பதியப்படும். அந்த சட்டம் பின்பற்றப்படவேண்டிய சட்டம். சட்டம் ஏற்றியவரின் கையொப்பமும், முத்திரையும் அந்த சட்டத்திற்கு உயிர் கொடுக்கிறது. முத்திரை இல்லாமல், அந்த சட்டம் இயற்றியவர் யார் என்று அறிய முடியாது.

​

தேவனுடைய சட்டம் எது?

​

பத்து கட்டளைகள் (யாத்திராகமம் 20: 1-17)

​

தேவன் கொடுத்த பத்து கட்டளையை, தேவன் முத்திரையிட்டுருக்கிறாரா?? முத்திரையில் இருக்கும் அம்சங்கள் இந்த பத்து கட்டளையில் இருக்கிறதா?

​

நான்காம் கட்டளை அதனை சொல்கிறது.

​

யாத்திராகமம் 20

11. கர்த்தர் ஆறுநாளைக்குள்ளே வானத்தையும் பூமியையும் சமுத்திரத்தையும் அவைகளிலுள்ள எல்லாவற்றையும் உண்டாக்கி, ஏழாம்நாளிலே ஓய்ந்திருந்தார்; ஆகையால், கர்த்தர் ஓய்வுநாளை ஆசீர்வதித்து, அதைப் பரிசுத்தமாக்கினார்.

​

- ஆளுகிறவரின் பெயர் (கர்த்தர்)
- ஆளுகிறவரின் பதவி (உண்டாக்கி, அதாவது படைத்தவர் )
- ஆளுகை செய்யும் தேசம் (வானத்தையும் பூமியையும் சமுத்திரத்தையும் அவைகளிலுள்ள எல்லாவற்றையும்)

​

இந்த நான்காம் கட்டளையாகிய ஓய்வு நாளில், அதாவது வாரத்தின் ஏழாம் நாளில் தேவனை ஆராதிப்பாயாக என்று சொல்கிறதே... இது எப்படி முத்திரை ஆகும்?

​

பத்து கட்டளையில் உள்ள நான்காம் கட்டளை,  தேவனின் முத்திரையை சொல்கிறது. இந்த முத்திரை, தேவன் அவர் சொன்னபடி செய்கிறவர்களுக்கு கொடுக்கப்படுகிறது. அதாவது, வாரத்தின் ஏழாம் நாளில் தேவனை ஆராதிக்கும் போது அவர்கள் தேவனுடைய பிள்ளைகள் ஆகிறார்கள். 

​

எப்படி இந்த முத்தியை கொடுக்கப்படுகிறது?

​

எசேக்கியேல் 20: 

​

12. நான் தங்களைப் பரிசுத்தம்பண்ணுகிற கர்த்தர் என்று அவர்கள் அறியும்படிக்கு, எனக்கும் அவர்களுக்கும் அடையாளமாய் இருப்பதற்கான என் ஓய்வுநாட்களையும் அவர்களுக்குக் கட்டளையிட்டேன்.

​

20. என் ஓய்வுநாட்களைப் பரிசுத்தமாக்குங்கள்; நான் உங்கள் தேவனாகிய கர்த்தர் என்று நீங்கள் அறியும்படிக்கு அவைகள் எனக்கும் உங்களுக்கும் அடையாளமாயிருக்கும் என்றேன்.

 

தேவனுடைய பிள்ளைகள், தேவன் சொன்ன கட்டளைப்படி, ஏழாம் நாளில் தேவனை ஆராதிக்கும் போது , அதுவே நாம் தேவனுடைய பிள்ளைகள் என்பதற்கு அடையாளம் என்று வேதம் சொல்கிறது.

​

ஏழாம் நாளில் ஆராதிக்காமல், மற்ற நாளில் ஆராதித்தால், தேவன் தேவன் ஏற்றுக்கொள்ளாமல், நம்மை தள்ளி விடுவாரா?

​

நாம் தேவனின் கட்டளைகளுக்கு கீழ்ப்படிய வேண்டுமென்றே தேவன் விரும்புகின்றார். அறியாமல் நாம் செய்யும் தவறுக்கு, நாம் பொறுப்பேற்க வேண்டிய அவசியமில்லை; ஆனால் அறிந்த பிறகு, வேதத்திற்கு கீழ்ப்படிய வேண்டுமென்று தேவன் விரும்புகின்றார்.

 

அப்போஸ்தலர் 17: 30. அறியாமையுள்ள காலங்களை தேவன் காணாதவர்போலிருந்தார்; இப்பொழுதோ மனந்திரும்பவேண்டுமென்று எங்குமுள்ள மனுஷரெல்லாருக்கும் கட்டளையிடுகிறார்.

​

தேவனுடைய கட்டளையை கைக்கொள்ளுகிறவனுக்கு பலன் என்ன?

​

வெளி 22 : 14. ஜீவவிருட்சத்தின்மேல் அதிகாரமுள்ளவர்களாவதற்கும், வாசல்கள் வழியாய் நகரத்திற்குள் பிரவேசிப்பதற்கும் அவருடைய கற்பனைகளின்படி செய்கிறவர்கள் பாக்கியவான்கள்.

​

அவருடைய கட்டளைகளுக்கு கீழ்ப்படியும் போது, ஜீவவிருட்சத்தை கொடுக்கிறார். தேவனுடைய கட்டளைகளுக்கு கீழ்ப்படிவது மிகவும் அவசியமாய் இருக்கிறது.

​

பரலோகத்தில், ஓய்வுநாள் உண்டா? ஓய்வுநாளில் தான் ஆராதிப்பார்களா?

​

ஏசாயா 66: 

​

22. நான் படைக்கப்போகிற புதிய வானமும் புதிய பூமியும் எனக்கு முன்பாக நிற்பதுபோல, உங்கள் சந்ததியும், உங்கள் நாமமும் நிற்குமென்று கர்த்தர் சொல்லுகிறார்.

​

23. அப்பொழுது: மாதந்தோறும், ஓய்வுநாள்தோறும், மாம்சமான யாவரும் எனக்கு முன்பாகத் தொழுதுகொள்வார்களென்று கர்த்தர் சொல்லுகிறார்.