top of page
285. இயேசு என்ற திருநாமத்திற்கு
இயேசு என்ற திருநாமத்திற்கு
எப்போதுமே மிகத் தோத்திரம்
வானிலும் பூவிலும் மேலான நாமம்
வல்லமையுள்ள நாமமது
தூயர் சொல்லித் துதித்திடும் நாமமது
- இயேசு என்ற திருநாமத்திற்கு
வேதாளம் பாதாளம் யாவையும் ஜெயித்த
வீரமுள்ள திரு நாமமது
நாமும் வென்றிடுவோம்
இந்த நாமத்திலே
- இயேசு என்ற திருநாமத்திற்கு
பாவத்திலே மாலும் பாவியை மீட்கப்
பாரினில் வந்த மெய் நாமமது
பரலோகத்தில் சேர்க்கும் நாமமது
- இயேசு என்ற திருநாமத்திற்கு
உத்தம பக்தர்கள் போற்றித் துதித்திடும்
உன்னத தேவனின் நாமமது
உலகெங்கும் ஜொலித்திடும் நாமமது
- இயேசு என்ற திருநாமத்திற்கு
சஞ்சலம் வருத்தம் சோதனை நேரத்தில்
தாங்கி நடத்திடும் நாமமது
தடை முற்று மகற்றிடும் நாமமது
- இயேசு என்ற திருநாமத்திற்கு
bottom of page