தானியேல் 2ம் அதிகாரத்தில் தேவன் ஒரு சிலை வடிவில் என்னென்ன ராஜ்ஜியங்கள் வரும் என்று தெளிவாக கூறினார். ஆனால், தானியேல் 7ம் அதிகாரத்தில் யார் அந்த ராஜ்ஜியங்கள் என்பதை மேலும் தெளிவாக கூறுகிறார். 

​

தானியேலின் தீர்க்கதரிசனம் (தானியேல் 7: 1-14)

​

வெவேறு உருவமுள்ள நாலு மிருகங்கள் சமுத்திரத்தில் இருந்து எழும்பினது. 

​

(வசனம் 4) முதல் மிருகம் சிங்கத்தை போல இருந்தது, கழுகின் சேட்டைகள் உண்டாயிருந்தது. ஆனாலும் அதன் இறகுகள் பிடுங்கப்பட்டது.

​

(வசனம் 5) இரண்டாம் மிருகம், கரடிக்கு ஒப்பாக இருந்தது. அது ஒருபக்கம் சாய்ந்து நின்று மூன்று விலா எலும்புகளை கவ்விக்கொண்டிருந்தது. 

​

(வசனம் 6) மூன்றாம் மிருகம் சிவிங்கியைப்போல இருந்தது. அதற்க்கு நான்கு சேட்டைகள் இருந்தது, நான்கு தலைகளும் இருந்தது.

​

(வசனம் 7) நான்காம் மிருகம் கெடியும் பயங்கரமும் மகா பலத்ததுமாயிருந்தது. அதற்குப் பெரிய இருப்புப்பற்கள் இருந்தது. அது தனக்கு முன்னிருந்த எல்லா மிருகங்களைப்பார்க்கிலும் வேற்றுருவமாயிருந்தது, அதற்குப் பத்துக் கொம்புகள் இருந்தது

​

(வசனம் 8) அந்த 10 கொம்புகளின் இடையில் இருந்து வேறொரு சின்ன கொம்பு எழும்பினது. 

​

(வசனம் 8, 11) அந்த சின்ன கொம்பு எழும்பும்போது போது, 10 கொம்புகளில் உள்ள மூன்று கொம்புகள் பிடுங்கப்பட்டது. அந்த சின்ன கொம்பில் மனிதக் கண்களுக்கு ஒப்பான கண்கள் இருந்தது, பெருமையான வாய் இருந்தது. பெருமையாய் பேசியதால் அந்த மிருகம் கொலை செய்யப்பட்டது.

​

(வசனம் 9,10) பரலோகத்தில் சிங்காசனம் நியாயத்தீர்ப்புக்காக வைக்கப்பட்டது. நீண்ட ஆயுசுள்ள பிதாவாகிய தேவன் அதில் வீற்றிருந்தார். நியாயத்தீர்ப்புக்காக நியாய சங்கம் உட்கார்ந்து, புஸ்தகங்கள் திறக்கப்பட்டது. 

​

(வசனம் 13) நியாயத்தீர்ப்பின் முடிவோடு, இயேசு கிறிஸ்து வந்தார்.

தீர்க்கதரிசனத்தை விளக்கம் (தானியேல் 7: 16-28)

​

(வசனம் 4, 17) சமுத்திரத்தில் இருந்து – சிங்கம் (முதல் மிருகம்/ராஜ்ஜியம்) 
(வசனம் 5, 17) சமுத்திரத்தில் இருந்து – கரடி (இரண்டாம் மிருகம்/ராஜ்ஜியம்) 
(வசனம் 6, 17) சமுத்திரத்தில் இருந்து – சிவிங்கி ( நாலு தலை) (மூன்றாம் மிருகம்)
(வசனம் 7, 17) சமுத்திரத்தில் இருந்து – கெடியும் பயங்கரமுமான மிருகம் [பெரிய இருப்புப்பற்கள்] (நான்காம் மிருகம்)
(வசனம்  20, 24) 10 விரல்கள்(10 ராஜ்யங்கள்)
(வசனம் 8, 11, 24-25) வேறொரு சின்ன கொம்பு
(வசனம் 9-10, 22, 26) பரலோகத்தில் நியாத்தீர்ப்பு காட்சி 
(வசனம் 13-14, 27) இயேசு கிறிஸ்துவின் இரண்டாம் வருகையும், தேவனுடைய ராஜ்ஜியம் 

 

அடையாளங்கள் 

​

மிருகம் - ராஜ்ஜியங்கள்/ராஜா (தானியேல் 7:17, 23)

கொம்பு - ராஜாக்கள் (தானியேல் 7: 24)

சமுத்திரம் - ஜனங்களும் கூட்டங்களும் ஜாதிகளும் பாஷைக்காரரும் (வெளி 17:15) 

(வசனம் 25) ஒரு காலமும், காலங்களும், அரைக்காலமும் - எண்ணாகமம் 14:34; எசேக்கியேல் 4:5,6

ஒரு காலமும், காலங்களும், அரைக்காலமும் - என்பது என்ன?

​

தீர்க்கதரிசனத்தில் ஒரு நாள் என்பது ஒரு வருடம். ஒரு காலம் என்பது 1 வருடம். காலங்கள் என்பது (1+1) 2 வருடங்கள், அரைக்கலாம் என்பது 6 மாதங்கள்.  வேத முறைப்படி, ஒரு வருடத்திற்கு 360 நாட்கள். ஒரு காலமும், காலங்களும், அரைக்காலமும் என்பது 360 + 360 + 360 + 180 = 1260 நாட்கள். ஒரு நாள் = ஒரு வருடம். 1260 நாட்கள் என்பது 1260 வருடங்கள். 

​

இவைகளை பற்றி மேலும் தெளிவாக படிக்க இந்த link click செய்யவும். 

சரித்திரத்தில் இவைகள் எப்போது நிறைவேறியது/நிறைவேறப்போகிறது?

​

மிருகம் என்பது ராஜ்யத்தை குறிக்கிறது. அநேக நாடுகள், தங்களுக்கு தேசிய விலங்கு என்று ஒன்று வைத்திருப்பார்கள். அந்த விலகின் வல்லமையை போல அந்த நாடு இருக்கிறது என்ற அர்த்தத்தில் அந்த விலங்கு குறிக்கப்பட்டிருக்கிறது. மிருகம் என்பது ராஜ்யத்தை குறிக்கும் ஒரு அருமையான அடையாளம்.

​

வசனம் 4, 17 - சமுத்திரத்தில் இருந்து – சிங்கம் (முதல் ராஜ்ஜியம் / பாபிலோன்) (கி.மு. 605 - கி.மு .539)

​

முதல் ராஜ்ஜியம் பாபிலோன் ராஜ்யத்தை குறிக்கிறது. யூதாவின் ராஜாவாகிய யோயாக்கீம் அரசாண்ட மூன்றாம் வருஷத்திலே பாபிலோனின் ராஜாவாகிய நேபுகாத்நேச்சார் எருசலேமுக்கு வந்து, அதை முற்றிக்கை போட்டான். அப்பொழுது ஆண்டவர் யூதாவின் ராஜாவாகிய யோயாக்கீமையும் தேவனுடைய ஆலயத்தின் பாத்திரங்களில் சிலவற்றையும் அவன் கையில் ஒப்புக்கொடுத்தார்;  (தானி 1:1, 2).  எருசலேமை பாபிலோன் ராஜா கையில் ஒப்பு கொடுப்பேன் என்று தேவன் ஏற்கனவே எரேமியா தீர்க்கதரிசி என்மூலம் சொல்லி இருந்தார். "யூதா அனைத்தையும் நான் பாபிலோன் ராஜாவின் கையில் ஒப்புக்கொடுப்பேன்; அவன் அவர்களைச் சிறைபிடித்து, சிலரைப் பாபிலோனுக்குக் கொண்டுபோய், சிலரைப் பட்டயத்தால் வெட்டிப்போடுவான். (எரேமி 20:4)". எழுபது வருடம் பாபிலோனில் அடிமைகளாய் இருப்பார்கள் என்று தேவன் கூறினார் (எரேமி 29: 10). இந்த பாபிலோனின் ஆட்சி கி.மு. 605 இல் தொடங்கி கி.மு.539 ல் முடிந்தது.

​

வசனம் 5, 17 - சமுத்திரத்தில் இருந்து – கரடி (இரண்டாம் ராஜ்ஜியம்/ மேதிய - பெர்சியா (கி.மு. 539 - கி.மு.331)) 

​

கரடி, பாபிலோனுக்கு பிறகு வந்த மேதிய -பெர்சிய அரசாங்கத்தை குறிக்கிறது. இதனை வரலாற்றிலும் காணலாம். "மூன்று விலாவெலும்புகளைக் கவ்விக்கொண்டிருந்தது" மூன்று ராஜ்யங்களை வீழ்த்தி அதனை அரசாண்டது. அந்த மூன்று ராஜ்ஜியங்கள் யாதெனில், 1. லிடியா (பழங்கால துருக்கி), 2. பாபிலோன்,  3. எகிப்து.

​

லிடியா ராஜ்யத்தை கி.மு 547 யிலும், பாபிலோனை கி.மு. 539 யிலும், எகிப்தை கி.மு 525 லும் கைப்பற்றி அரசாண்டது இந்த மேதிய  -பெர்சிய ராஜ்ஜியம்.

​

தானியேல் 8:20 ல் மேதிய-பெர்சிய ராஜாக்கள் என்று தேவன் கூறினார்.

​

வசனம் 6, 17 - சமுத்திரத்தில் இருந்து – சிவிங்கி (மூன்றாம் மிருகம்/ நாலு தலை) - கிரேக்கம் (கி.மு. 331 - கி.மு.168)

​

சிவிங்கி, கிரேக்க அரசாங்கத்தை குறிக்கிறது. வேகமாக ஓடும் மிருகம் இந்த சிவிங்கி. வசனம் சொல்கிறது, இந்த சிவிங்கிக்கு சிறகுகள் கொடுக்கப்பட்டது என்று. வேகமாக ஓடும் சிவிங்கிக்கு சிறகுகள் இருந்தால், பலமடங்கு வேகமாக செல்லும் என்பதை குறிக்கிறது. அதனை போல, குறுகிய காலத்தில், மோதிய-பெர்சிய அரசாங்கத்தை, கிரேக்க ராஜ்ஜியம் வீழ்த்தியது. கிரேக்க ராஜ்யத்தின் தலைவர், மகா அலெக்சாண்டர். மூன்றே வருடத்தில் எகிப்து முதல் சிந்து நதி  எல்லை வரை கைப்பற்றினார்.

​

எவ்வளவு துல்லியமாக தேவன் இவைகள் வரும் என்று சொல்லியிருந்தார். பெயரோடு தானியேல் 8:21ல் கிரேக்க ராஜா என்று தேவன் கூறினார்.

​

மேலும், சிவிங்கிக்கு 4 தலைகள் இருந்தது என்கிறது வேதம். மகா அலெஸ்சாந்தர் இறந்த பிறகு, அவரின் 4 தளபதிகள் கிரேக்க ராஜ்யத்தை ஆண்டனர். கிரேக்க ஆட்சி கி.மு. 168ல் முடிவுக்கு வந்தது.

​

வசனம் 7, 17 - சமுத்திரத்தில் இருந்து – கெடியும் பயங்கரமுமான மிருகம் [பெரிய இருப்புப்பற்கள்] (நான்காம் மிருகம்/ ரோம ராஜ்ஜியம் (கி.மு. 168 - கி.பி.476) ; வசனம் 20, 24 -  10 விரல்கள்(10 ராஜ்யங்கள் / பிரிந்த 10 ஐரோப்பா ராஜ்யங்கள்)

​

ஆங்கிலத்தில், சில புத்தகங்களில் இருந்து உள்ள பதிவு...

 

The dragon beast represents the Roman Empire (168 B. C. - 476 A. D.). This empire came to be known as the Airon monarchy of Rome (Edward Gibbon, The History of the Decline and Fall of the Roman Empire, vol. 4, p. 161). 

​

The ten horns represent the ten kingdoms into which the Roman Empire was divided when it fell apart. These ten kingdoms, according to Edward Gibbon, were: The Alemanni, the Franks, the Burgundians, the Vandals, the Suevi, the Visigoths, the Saxons, the Ostrogoths, the Lombards and the Heruli (see, M. H. Brown, The Sure Word of Prophecy, pp. 54, 55).

​

The historian Machiavel, without the slightest reference to this prophecy, gives the following list of the nations which occupied the territory of the Western Empire at the time of the fall of Romulus Augustulus [476 A. D], the last emperor of Rome: The Lombards, the Franks, the Burgundians, the Ostrogoths, the Visigoths, the
Vandals, the Heruli, the Sueves, the Huns, and the Saxons: ten in all. (H. Grattan Guinness, The Divine Program of the World=s History, p. 318) 

​

ரோம ராஜ்ஜியம் கி.மு.168 முதல் கி.பி 476 வரை அரசாண்டது. ரோமா பேரரசின் கடைசி மன்னன் ரோமுலஸ் ஆகஸ்டுல்ஸ் (Romulus Augustulus). வடக்கில் இருந்து பார்பேரியன் பழங்குடியினர் ஒரு பழிவாங்கலுடன் ரோம பேரரசின் மீது இறங்கி தோற்கடித்து, பின்பு அது 10 நாடுகளாக (மேற்கு ஐரோப்பா) உடைந்தது.

​

பிரிந்த 10 ஐரோப்பிய ராஜ்ஜியங்கள்:  ஃபிராங்க்ஸ் (1), ஹன்ஸ் (2), விசிகோத்ஸ் (3), ஆஸ்ட்ரோகோத்ஸ் (4), ஹெருலி (5), லோம்பார்ட்ஸ் (6), ஆங்கிலோ-சாக்சன்ஸ் (7), சூவி (8), வாண்டல்ஸ் (9) மற்றும் பர்கண்டியன்ஸ் (10)

​

(வசனம் 8, 11, 24-25) வேறொரு சின்ன கொம்பு

​

இப்போது சின்ன கொம்பு யார் என்று கவனித்து பார்க்க வேண்டும். சின்ன கொம்பு யார் என்று கண்டறிய சின்ன கொம்பின் 11 தன்மைமைகளை பார்ப்போம்.

​

சின்ன கொம்பு யார்?  - 11 அடையாள குறிப்புகள் 

​

1. தானி 7:8 - நான்காம் மிருகம் ரோம். தானியேல் 2ன் படி ரோமுக்கு இரும்பு தன்மை இருப்பது அடையாளப்படுத்துகிறது. அப்படியிருக்க, ரோமின் தலையில் இருந்து முளைத்த சின்ன கொம்பிற்கு இரும்பின் தன்மைகள் இருக்கும். கொம்பு அரசாங்கத்தை குறிக்கிறது.

​

2. தானி 7:8 - 10 கொம்புகளுக்கு (ராஜ்ஜியங்களுக்கு) மத்தியில் தோன்ற வேண்டும் 

​

3. தானி 7:8 - 10 கொம்புகளில் (ராஜ்யங்களில்) 3 ராஜ்யங்களை பிடுங்கிப்போட்டது. அதாவது, இந்த சின்ன கொம்பு 3 ராஜ்யங்களை அழித்தது.

​

4. தானி 7:24 - சின்னக்கொம்பு, முந்தின ராஜ்யங்களை விட வேறாய் இருந்தது. 

​

5. தானி 7:21, 25 - உன்னதமானவருக்கு விரோதமாக வார்த்தைகளை பேசினான். உன்னதமானவர் என்பது தேவாதி தேவனை, வானத்தையும் பூமியையும் படைத்தவரை குறிக்கும். அவருக்கு "விரோதமாக" பேசினான். "பேசினான்" என்பதால் அது மனிதனை குறிக்கின்றது; அதாவது இந்த சின்ன கொம்பின் ஒரு மனிதன். மற்ற ராஜ்யங்களுக்கு இது குறிப்பிடப்படவில்லை. 

 

6. தானி 7: 25 - பரிசுத்தவான்களை ஒடுக்கினான். அதாவது, தேவனுடைய பிள்ளைகளை துன்பப்படுத்தினான்.

 

7. தானி 7: 25 - "ஒரு காலமும், காலங்களும், அரைக்காலமும்" - தேவனுடைய பிள்ளைகளை துன்பப்படுத்தினான். ஒரு காலம் என்பது ஒரு வருடம், காலங்கள், இரண்டு வருடம், அரை காலம், அதாவது ஒரு காலத்தில் பாதி, அரை வருடம். மொத்தம் தீர்க்க தரிசன மூன்றரை வருடங்கள் துன்பப்படுத்தினான். அதாவது மூன்றரை வருடங்கள் என்பது 1260 நாட்கள் (1 வருடம் - 360 நாட்கள்), அதாவது 1260 வருடங்கள் தேவனுடைய பிள்ளைகளை துன்பப்படுத்தினான்.

 

8. தானி 7: 25 - "காலங்களையும் பிரமாணங்களையும் மாற்ற நினைப்பான்" - வேதத்தில் காலங்கள் என்பது தேவன் சொல்லும் காலங்கள்; பிரமாணங்கள் என்பது தேவன் சொன்ன பிரமாணங்கள், அதாவது தேவனுடைய நியாயப்பிரமானங்கள், கட்டளைகள். 

 

வேதத்தில் தேவன் கொடுத்த காலங்கள் எது?

ஒரு நாள் என்பது - மாலை முதல் மாலை வரை
ஒரு மாதம் எம்பது - 30 நாட்கள் 
ஒரு வருடம் - 360 நாட்கள் 

​

வேதத்தில் தேவன் கொடுத்த பிரமாணங்கள்?

10 கட்டளைகள்.

​

உதாரணமாக - 4ம் கட்டளை ஓய்வு நாளில் பரிசுத்தமாய் ஆசாரிப்பாயாக என்பதாகும். ஓய்வு நாள் என்பது வாரத்தின் ஏழாம் நாள் அதாவது இன்றைய சனிக்கிழமை வாரத்தின் ஏழாம் நாள். 

​

தற்போது, ஒரு நாள் எப்போது தொடங்கி எப்போது முடிகிறது?

ஒரு மாதம் எத்தனை நாட்கள்? ஒரு வருடத்தில் எத்தனை நாட்கள்?

ஏன் வாரத்தில் ஏழாம் நாளாகிய சனிக்கிழமை (அதாவது மாலை முதல் மாலை வரை ஒரு நாள், அதாவது வெள்ளிக்கிழமை  மாலை முதல் சனிகிழமை  மாலை வரை ஒரு நாள்) தேவனை ஆராதிக்காததின்  காரணம் என்ன?

 

சிந்திக்க....

​

9. தானி 7:24, 25 - சின்ன கொம்பு முந்தினவர்களை பார்க்கிலும் வேறாய் இருந்தான், உன்னதமானவருக்கு விரோதமாக பேசினான், காலங்களை நேரங்களை மாற்றா நினைப்பான், ஒரு காலமும், காலங்களும், அரைக்காலமும் செல்லுமட்டும் பரிசுத்த வாங்கலை துன்பப்படுத்தினான்.

​

வேறாய் இருந்தான் - முந்தினவர்கள் அரசர்களாக ராஜ்யத்தை அரசாண்டார்கள். சின்ன கொம்பு வேறாய் இருந்தான், அதாவது வித்தியாசம். சின்ன கொம்பு அரசனாக அல்ல, ஆனால் ராஜ்யத்தை ஆண்டான். 

 

உன்னதமானவருக்கு - பரிசுத்த தேவனுக்கு விரோதமாக பேசினான். என்ன பேசினான்? வெளி 13: 5 "பெருமையானவைகளையும் தூஷணங்களையும்" பேசினான். எது தூஷணம்? 

​

மத்தேயு 9:1-3; மாற்கு 2:7; லூக்கா 5:21 இயேசு கிறிஸ்து பாவங்களை மன்னிக்கிறார் - அவர்களை தேவதூஷணம் சொல்கிறார் என்றார்கள். 

​

மத்தேயு 26: 63-65; மாற்கு 14: 62-64; யோவான் 10:33 - இயேசு கிறிஸ்து தன்னை தேவன் என்று சொல்கிறார். 

​

ஒரு மனிதன் தானை தேவன் என்று சொல்வதும், தன்னால் பாவங்களை மன்னிக்க முடியும் என்று சொல்வதும் தேவதூஷணம் 

​

தேவன் ()இயேசு கிறிஸ்து) மாத்திரமே பாவங்களை மன்னிக்க அதிகாரமுடையவர். தன்னால் தன்னை பாவங்கள் மன்னிக்க முடியும், தன்னை தேவன் என்று உயர்த்துபவன் தேவ தூஷணம் சொல்பவன். இன்று, தன்னால் பாவங்களை மன்னிக்க முடியும் என்று சொல்பவர்கள் யார்? தன்னை தேவனுடைய ஸ்தானத்தில் உயர்த்துபவன் யார்?

​

10. தானி 7:8 - "மனுஷகண்களுக்கு ஒப்பான கண்களும்" இருந்தது. இந்த அரசாங்கத்தை தலைவனாக இருந்து நடத்துபவன் ஒரு மனிதன் என்று வேதம் சொல்கிறது.

 

11. தானி 7:8 - சின்ன கொம்பு - சிறிய ராஜ்ஜியம். ஒரு மனிதன் தலைவனாக இருந்து அந்த சிறு ராஜ்யத்தை  வழிநடத்துகிறான். 

கேள்விகள்:

​

இந்த எல்லா கேள்விகளும் யாருக்கு பொருந்துமோ அந்த நபரே சின்ன கொம்பு.

​

1. இந்த உலகத்தில் எல்லா நாடுகளிலும் சேர்ந்தே ஆட்சி செய்கின்றனர். எந்த நாடு ஒரே ஒரு நபர் தலைமையில் ஆட்சி நடை பெறுகிறது?

​

2. இந்த நபர் உன்னதமானவருக்கு விரோதமாக பேசுவதால், வேதத்தின் தேவனுக்கு விரோதமாக பேசுகிறான். வேதத்தின் மைய நாயகர் இயேசு கிறிஸ்து. அப்படியானால், இந்த சின்ன கொம்பு, கிறிஸ்துவின் பெயரில் வருகிறான்.

​

3. பாவங்களை மன்னிக்க தன்னால் தான் முடியும் என்று யார் சொல்கிறார்கள்?

​

4. கி.பி. 476 தொடங்கி 1260 வருடங்கள் ஆட்சி செய்தான். இயேசு கிறிஸ்துவின் பெயரில் ஆட்சி செய்த நாடு எது?

​

5. எந்த அரசாங்கத்தில் உள்ளவர் தன்னை தெய்வமாக உயர்த்துகிறார்?

​

6. தேவன் கொடுத்த காலங்களையும் பிரமாணங்களையும் மாற்றியது யார்?

​

7. இந்த நபர் ரோம ஆட்சியின் தலையில் இருந்து தோன்றியதால் இரும்பின் தன்மைகள் இருக்கும். அந்த ரோம பாரம்பரியத்தில் வந்த அந்த ரோம நபர் யார்?

​

8. ரோம அரசில் இருந்து தோன்றி, தன்னை தேவனுடைய ஸ்தானத்தில் உயர்த்தி, தன்னால் பாவங்களை மன்னிக்க முடியும் என்று சொல்லி, தேவனுடைய பிரமாணங்களை மாற்றி, ஒரே ஒரு நபர் அதற்க்கு தலைமை வகித்து இருக்கும் அந்த சிறிய நாடு எது?

​

​