105. மாறிடா எம் மா நேசரே

மாறிடா எம் மா நேசரே – ஆ

மாறாதவர் அன்பெந் நாளுமே

கல்வாரி சிலுவை மீதிலே

காணுதே இம்மா அன்பிதே

ஆ! இயேசுவின் மகா அன்பிதே

அதன் ஆழம் அறியலாகுமோ

இதற்கிணை யேதும் வேறில்லையே

இணை ஏதும் வேறில்லையே

பாவியாக இருக்கையிலே – அன்பால்

பாரில் உன்னைத் தேடி வந்தாரே

நீசன் என்றுன்னைத் தள்ளாமலே

நேசனாக மாற்றிடவே

- ஆ! இயேசுவின் மகா அன்பிதே

உள்ளத்தால் அவரைத் தள்ளினும்

உள்ளம் போல் நேசித்ததினால்

அல்லல் யாவும் அகற்றிடவே

ஆதி தேவன் பலியானாரே

- ஆ! இயேசுவின் மகா அன்பிதே

ஆவியால் அன்பைப் பகிர்ந்திட – தூய

தேவனின் விண் சாயல் அணிய

ஆவியாலே அன்பைச் சொரிந்தார்

ஆவலாய் அவரைச் சந்திக்க

- ஆ! இயேசுவின் மகா அன்பிதே

நியாய விதி தினமதிலே – நீயும்

நிலையாகும் தைரியம் பெறவே

பூரணமாய் அன்பு பெருக

புண்ணியரின் அன்பு வல்லதே

- ஆ! இயேசுவின் மகா அன்பிதே

பயமதை நீக்கிடுமே – யாவும்

பாரினிலே சகித்திடுமே

அது விசுவாசம் நாடிடுமே

அன்பு ஒருக்காலும் ஒழியாதே

- ஆ! இயேசுவின் மகா அன்பிதே