108. தோத்திரம் பாடியே போற்றிடுவேன்

தோத்திரம் பாடியே போற்றிடுவேன்

தேவாதி தேவனை ராஜாதி ராஜனை

வாழ்த்தி வணங்கிடுவேன்


அற்புதமான அன்பே – என்னில்

பொற்பரன் பாராட்டும் தூய அன்பே

என்றும் மாறா தேவ அன்பே

என்னுள்ளம் தங்கும் அன்பே

- தோத்திரம் பாடியே போற்றிடுவேன்


ஜோதியாய் வந்த அன்பே – பூவில்

ஜீவன் தந்து என்னை மீட்ட அன்பே

தியாகமான தேவ அன்பே

திவ்விய மதுர அன்பே

- தோத்திரம் பாடியே போற்றிடுவேன்


மாய உலக அன்பை – நம்பி

மாண்ட என்னைக் கண்டழைத்த அன்பே

என்னை வென்ற தேவ அன்பே

என்னில் பொங்கும் பேரன்பே

- தோத்திரம் பாடியே போற்றிடுவேன்


ஆதரவான அன்பே – நித்தம்

அன்னை போல் என்னையும் தாங்கும் அன்பே

உன்னத மா தேவ அன்பே

உள்ளங் கவரும் அன்பே

- தோத்திரம் பாடியே போற்றிடுவேன்


வாக்கு மாறாத அன்பே – திரு

வார்த்தை உரைத் தென்னைத் தேற்றும் அன்பே

சர்வ வல்ல தேவ அன்பே

சந்ததம் ஓங்கும் அன்பே

- தோத்திரம் பாடியே போற்றிடுவேன்