top of page
205. சிங்கார மாளிகையில்
சிங்கார மாளிகையில்
ஜெயகீதங்கள் பாடிடுவோம்
சீயோன் மணவாளனுடன்
ஆனந்தம் பாடி அன்பரைச் சேர்ந்து
ஆறுதலடைந்திடுவோம் - அங்கே
அலங்கார மகிமையின் கிரீடங்கள் சூடி
அன்பரில் மகிழ்ந்திடுவோம்
- சிங்கார மாளிகையில்
துயரப்பட்டவர் துதித்துப்பாடுவார்
துதியின் உடையுடனே - அங்கே
உயரமாம் சீயோன் உன்னதரோடு
களித்து கவி பாடுவோம்
- சிங்கார மாளிகையில்
முள்முடி நமக்காய் அணிந்த மெய் இயேசுவின்
திருமுகம் கண்டிடுவோம் - அங்கே
முத்திரையிட்ட சுத்தர்கள் வெண்ணங்கி
தரித்தோராய் துதித்திடுவார்
- சிங்கார மாளிகையில்
அவருரைத்த அடையாளங்களெல்லாம்
தவறாமல் நடக்கிறதே - அவர்
வரும்வேளை யறியாதிருப்பதால் எப்போதும்
ஆயத்தமாயிருப்போம்
- சிங்கார மாளிகையில்
bottom of page