25. கர்த்தரை நம்பியே ஜீவிப்போம்

கர்த்தரை நம்பியே ஜீவிப்போம்,

கவலை கஷ்டங்கள் தீர்ந்திடும்,

கைவிடா காத்திடும் பரமனின்

கரங்களை நாம் பற்றி கொள்வோம்.


ஜீவ தேவன் பின் செல்லுவோம்,

ஜீவ ஒளிதனைக் கண்டடைவோம்

மனதின் காரிருள் நீங்கிடவே

மா சமாதானம் தங்கும்

- கர்த்தரை நம்பியே ஜீவிப்போம்


உண்மை வழி நடத்திடும்

உத்தமனுக்கென்றும் கர்த்தர் துணை

கண்கள் அவன் மீது வைத்திடுவார்

கருத்தாய் காத்திடுவார்

- கர்த்தரை நம்பியே ஜீவிப்போம்


அன்புமிகும் அண்ணலிவர்

அருமை இயேசுவை நெருங்குவோம்

தம்மண்டை வந்தோரைத் தள்ளிடாரே

தாங்கி அணைத்திடுவார்

- கர்த்தரை நம்பியே ஜீவிப்போம்


இம்மைக்கேற்ற இன்பங்களை 

நம்மை விட்டே முற்றும் அகற்றுவோம் 

மாறாத சந்தோஷம் தேடிடுவோம் 

மறுமை இராஜ்ஜியத்தில் 

- கர்த்தரை நம்பியே ஜீவிப்போம்