top of page
35. இரட்டிப்பான நன்மைகள் தந்திட
இரட்டிப்பான நன்மைகள் தந்திட
இயேசு வாக்களித்தாரே
முன்மாரி மேல் பின்மாரி மழையே
உன்னதத்தினின்று வந்திறங்குதே
- இரட்டிப்பான நன்மைகள் தந்திட
பெலத்தின் மேலே மா பெலனே
புது பெலன் நாம் பெற்றிட
சால்வதனை எலிசா அடைந்தாற்போல்
சோர்வின்றி பெலன் என்றும் நாடுவோம்
- இரட்டிப்பான நன்மைகள் தந்திட
நம்பிக்கையின் மேல் நம்பிக்கை
நல் விசுவாசம் பெற்றிட
ஆதி அப்போஸ்தலர் காலம் நடந்த
அற்புதங்கள் நாம் என்றும் காணுவோம்
- இரட்டிப்பான நன்மைகள் தந்திட
பரிசுத்தம் மேல் பரிசுத்தம்
பங்கமில்லாமல் பெற்றிட
நீதியின் சூரியன் ஏசுவுடனே
நீதி அணிந்து என்றும் ஆளுவோம்
- இரட்டிப்பான நன்மைகள் தந்திட
மகிமையின் மேல் மாமகிமை
மறுரூபம் நாம் பெற்றிட
கண்ணிமை நேரத்திலே பறந்தேகி
கர்த்தருடன் நாம் என்றும் வாழுவோம்
- இரட்டிப்பான நன்மைகள் தந்திட
bottom of page