92. நான் பாவிதான் ஆனாலும்

நான் பாவிதான் ஆனாலும் நீர்

மாசற்ற இரத்தஞ் சிந்தினீர்;

"வா" என்று என்னைக் கூப்பிட்டீர்;

என் மீட்பரே, வாறேன், வாறேன்.


நான் பாவிதான் என் நெஞ்சிலே

கறை பிடித்திருக்குதே;

என் கறை நீங்க இப்போதே,

என் மீட்பரே, வாறேன், வாறேன்.


நான் பாவிதான் பயத்தினால்

திகைத்து, பாவப் பாரத்தால்

அலைந்து மாண்டு போவதால்

என் மீட்பரே, வாறேன், வாறேன்.


நான் பாவிதான் இரங்குவீர்

அணைத்துக் காத்து ரட்சிப்பீர்

அருளாம் செல்வம் அளிப்பீர்;

என் மீட்பரே, வாறேன், வாறேன்.


நான் பாவிதான் அன்பாக நீர்

நீங்காத் தடைகள் நீக்கினீர்;

உமக்குச் சொந்தம் ஆக்கினீர்;

என் மீட்பரே, வாறேன், வாறேன்.